البلوكاج
أهم المعلومات حول
البلوكاج للدراسة في إسبانيا
ضروري نبلوكي المبلغ لعام كامل؟
إذا كان البرنامج الدراسي ديالك كيتقرا في عام أو مدة أطول خاص دير البلوكاج ديال عام كامل. أما إذا كان عندك برنامج المدة ديالو أقل من عام تقدر تبلوكي المبلغ لي كافي لهاد المدة فقط ( عدد الأشهر × قيمة IPREM الشهرية).
ماهو لبلوكاج؟
هي عملية بنكية لي من خلالها كتبلوكي واحد المقدار مالي في حسابك الشخصي أو ديال الضامن باش ما تعاود تسحبهم في المغرب ولي كايتعتبر هو المبلغ لي غادي تصرف طيلة السنة الأولى من إقامتك الدراسية في إسبانية
شحال خاصني نبلوكي؟
مقدار البلوكاج كيعتمد على القيمة ديال IPREM متلا في 2022 القيمة الشهرية 579,02€ والسنوية 6.948,24€ يعني البلوكاج لي غادي تحتاج لسنة كاملة خاص يكون ابتداء من هاد القيمة السنوية. يمكن ليك تعرف القيمة ديال IPREM لكل سنة من هنا (iprem.com.es)
إمتى خاصني نبلوكي؟
تقدر تبلوكي إمتى مابغيتي. المهم يكون قبل الموعد ديال الفيزا. لأن البلوكاج خاص ييبان عندك في الكشوفات البنكية ومن الأفضل المبلغ يكون محطوط في الحساب من فترة طويلة باش ما تظطرش تبرر للقنصلية منين جبتيه
كيفاش نتوصل بفلوس البلوكاج في إسبانيا؟
بمجرد أنك تفتح حساب بنكي في إسبانيا. البنك كيعطيك ورقة لي فيها المعلومات ديال الحساب ديالك وكترسلها للبنك المغربي لي كيبدا يحول لك شهريا المبلغ الشهري المتفق عليه.